رثاء الشهيد باسم ابو سريه (القذافى)

الشهيد القاائد

باسم ابو سريه

القاء شاعر شهداء فلسطين

الاخ

عدنان بلاونه

كل ما أفكر أكتب حرف أتراجع وأصفن مذهول

زاد الحمل ابدا ما خف شو السيرة كثرة الحمول

شو السيرة تفرق هالصف والكل بمنصب مشغول

من صبح يرقص عالدف بأمريكا يدور ع حلول

يجيب اوراق يدب الرف وسايقنا لدرب المجهول

يحلل ويقعد يتفلسف ولا تنسى لسانه معسول

يا اخي اسمعني لا تتأفأف أنا حر وقلمي معدول

بدل حكاية عندي ألف خذ قصة بتفهم على طول

دم الشهدا لسه ما جف بترابك با وطنا مجبولل

والقذافي يوم انزف على كتاف حبابه محمول

شفنا كيف الكل التف من نابلس لغزة وحلحول

والكف بيعلا عالكف على دربك باسم بنقول

باسم يتصدر بالصف يتولى قيادة ويجول

ما تراجع خطوة للخلف فارس متمرس بأصول

خلف جنوده بتزحف زحف فرسان بتتعلا خيول

لأنك باسم تسوى الف لأنك باسم مش معقول

لأنك باسم تسوى ألف لأنك باسم مش معقول

قذافي أول من قاوم وحمل بإيده بندقيه

قذافي عمره ما ساوم ولا نزل من قدره شويه

قذافي عمره ما تصادم مع شعبه وروحه أخويه

قذافي الي وقف وداوم قذافي الوحده الوطنيه

قذافي والفعل تعاظم كم مره هندس عملية

قذافي يا كل العالم والإسم بااااااااااااااسم ابو سريه

واذا كنك ما بتعرف مين اقصد روح اسأل كل الفدائية

مين بليله كان بيرصد وينصب في كمان ليلة

رشاشه يبرق وبيحصد لا وفر جندي ولا دورية

فارسنا شهم ومحبوب في البلدة منارة حرية

في البلدة اسأل الدروب وإسأل في الحارة الشرقية

إسأل وين الفارس يجوب بتنادي الحارة الغربية

متجعب حامل رشاش ودايم على راسه طقيه

دمه ما بينزف ع بلاش والحين اسمعني يا خيي

كل ثائر حمل ام ستاش وكلشن وفرد ويدوية

وكل ثائر مع باسم عاش وكل حر قاوم مثله وزيه

على عهده لا ما تنساش واسمعها ومية بالمية

ولا تسمع حكي الغشاش ولا تجري من تحتك ميه

واذا اجونا قولوا تيجوناش ينعن ابو الروح على ابو الجية

ورغم اني رخيص وبسواش بس احذر من راس الحية

ورغم اني رخيص وبسواااش بس احذر من راس الحية بس احذر من راس الحية بس احذر من راس الحية



رابط التحميل


http://www.2shared.com/file/3112925/bb8baa6/___.html


*********************